مفتی کا فریضہ

مفتی کا فریضہ

مفتی چونکہ احکام خداوندی کاترجمان اوراللہ تعالیٰ ومخلوق کے درمیان واسطہ ہے اس لیے اس پر لازم ہے کہ فتویٰ دیتے وقت پوری بصیرت سے کام لے اوراپنی ذمہ داری کا احساس کرتے ہوئے سوچ سمجھ کر جواب دے ، مسئلہ اگرمعلوم نہ ہوتو محض اٹکل سے جواب دے کر اپنی آخرت خراب نہ کرے ۔
حضرت عبداللہ بن مسعود رضی اللہ عنہ فرماتے ہیں ۔
’’جوشخص کسی چیز کا علم رکھتاہو اسے چاہیئے کہ وہ اسے بیان کرے اورجسے علم نہ ہو اسے کہنا چاہیئے کہ اللہ تعالیٰ بہترجانتاہے کیونکہ یہ بھی علم ہے کہ جو بات نہ جانتا ہو اس کے متعلق کہہ دے کہ اللہ تعالی بہترجانتاہے ،اللہ تعالیٰ نے اپنے پیغمبر نبی کریم ﷺ سے ارشادفرمایا ہے کہ ’’آپ فرمادیں کہ میں تم سے اجرت کاخواہاں نہیں اور نہ تکلف کرنے والوں میں سے ہوں۔