بے اختیاری میں کلمہ کفر کہنے کا حکم

بے اختیاری میں کلمہ کفر کہنے کا حکم

مسئلہ نمبر۲۷:) کیا فرماتے ہیں علماء دین اس مسئلہ میں کہ کسی شخص کے منہ سے بے اختیاری کے عالم میں کلمہ کفرنکل گیا اب میں تجدید ایمان و تجدید نکاح کروں یانہیں ؟حالانکہ مجھے علم ہے کہ جو کلمات منہ سے نکلے وہ کلمات کفریہ ہیں خصوصی شفقت فرماتے ہوئے جلدی فتوی عنایت فرمائیں ۔

الجواب باسم الملک الوہاب

صورت مسؤلہ میں اگر کسی شخص کے منہ سے بلااختیار کلمہ کفر نکل آئے تواس صورت میں آدمی کافر نہیں ہوتا، لیکن توبہ واستغفار کرے اور تجدید ایمان ونکاح کرنے کی ضرورت نہیں ہے ۔

’’وان لم یکن قاصدا فی ذلک بان اراد ان یتلفظ بلفظۃ اخری فجری علی لسانہ لفظ الکفر من غیر قصد وذلک نحوان اراد ان یقول لا الہ الا اللہ فجری علی لسانہ ان مع اللہ الہا اخر واراد ان یقول بحق اینکہ توخدای ومابندگان فجری علی لسانہ علی العکس لایکفر ‘‘۔۔۔(المحیط البرھانی : ۷/۳۹۷)
’’واما الخاطی اذاجری علی لسانہ کلمۃ الکفر خطاء بان کان اراد ان یتکلم بمالیس بکفر فجری علی لسانہ کلمۃ الکفر خطأ لم یکن ذلک کفراعند الکل بخلاف الہازل لان الہازل یقول قصدا ‘‘۔۔۔(قاضی خان علی ہامش الہندیۃ:۳/۵۷۷)

واللہ تعالی اعلم بالصواب